INAUTERIAK 2014 - ITSASOA -

 

Aurtengo inauterietan Dimako eskolak aukeratu duen gaia ITSASOA izan da. Zergatik itsasoa? Bada, negu honetan gure itsasoa erabat haserretuta ibili izan da eta oraindik ere hala darrai. Azken hilabetetan gehienon artean izan dugu bera, itsasoa, mintzagai. Olatuak gora eta behera,  nondik neurtzen den olatu bat, zer nolako kalteak, alerta laranjak, gorriak, itsasgora, marea biziak...
Gure itsasoa apurtxo bat ulertu nahian eta Diman itsasorik ez denez, itsasoa Dimaratzen ahalegindu ginen pasa den ostiraleko emanaldian. Bertso eder batekin eman izan zitzaion hasiera ekitaldiari eta ondoren ikasleak taldeka agertzen joan ziren.
 Lehenengoak 4 urteko umeak, itsasoa era gordinean erakutsi ziguten. Ondoren, 5 urtekoak, Dimako itsasoko urpekariak "plisti-plasta" kantarekin itsasoaren barruak miatzen ibili ziren.
Ur azpi-azpian, ur sakonetan ibiltzen dira urpekariak, baina zer agertu zen ur azalean? Balea, balea aurkitu zuten 6. eta 2. mailakoek. Horren antzezpen polita ikusi genuen.
3 urtekoak bai pirata ausartak. Itsasoetatik altxorren bila ibiltzeko ezinbestekoa  da ausardia izatea. Baina altxorra ez ezik arrainak ere harrapatzen dituzte gure eskolako 2 urteko umeek. Eta hala egin zuten "isil-isilik" kantaren erritmoa jarraituz.
Pixkanaka-pixkanaka itsas ertzera heldu ginen. Kostaldera heltzen diren olatuetan surflariak ibiltzen dira, eta horiek ere ezin falta gure Dimako itsasoan. Surflariak furgonetan joaten dira beti alde batetik bestera  eta gurean ere hori ezin falta.
Ondoren, itsasotik hondartzara heldu eta bertan Dimako bañistak aurkitu genituen.A zer nolako bañista martxosoak. Baina martxosoegiak behar bada , horietako batek ez zuen bandera gorria ikusi eta sorosleak bere bila joan behar. Susto hori pasa eta gero, gure kaiara bueltatu ginen.... bertan sardinerak azaldu zitzaizkigun dantzatxo bat eginez eta falta ez ziren sardina eta guzti gainera!!.
 Itsasoan hasi eta itsasoan amaitu. Irakasleok eguraldi txarrak, haize boladak.... kudeatu behar izaten ditugu sarritan eta ostiralean ere beste horrenbeste. Ekitaldiari amaiera emateko dantzatu egin genuen.

6.MAILAKO BARRIAKO POWER POINT

Ikasleak Barrian egon gara eta Nahiak aurkezpentxo hau egin du....ea gustukoa duzuen!


https://docs.google.com/file/d/0B94xptw93rfeNDRHYmU2R1N6YnM/edit

Barriako egonaldiko link-a

A WEEK IN BARRIA

 Ohartxo hau heldu zaigu Barriatik:
HELLO FRIENDS,
THIS IS OUR SECOND DAY IN BARRIA AND THINGS ARE GOING WONDERFULLY.  THE TEACHERS ARE VERY NICE AND WE ARE LEARNING A LOT OF ENGLISH.  JUST TO SHOW YOU HOW WELL WE ARE, HERE ARE SOME PICTURES.
SEE YOU ON FRIDAY, KISSES!!!!
Ikusten duzuenez, primeran ari dira.

SANTA AGEDA

AGATE EGUNA OSPATU DUGU 

Urtero bezala, otsailaren hasieran Ageda Eguna ospatzen dugu. Eskolako umeak eta irakasleak  abesten ibili gara Dimako auzo ezberdinetatik, bertan bizi diren bizilagunen etxeak bisitatzen. Bertako bizilagunek jateko hainbat gauza eman digute eta diruaz ere lagundu digute.  Hemendik, eskolatik, gure esker ona hain ondo hartu gaituztelako eta hain esku zabalak izan direlako gurekin.

            

GURE IKASLEAK PROIEKTUAK AURKEZTEN

Zein gauza ederrak egin egiten dituzten gure ikasleek. 3. mailakoak
Egiptoko maketa aurkeztu digute eta lehen mailakoak "Lehen gizakia", "Dinosaurioen garaia"...

3. mailakoak Egiptoko maketaren inguruan

lehen mailakoen eskutik

                         LEHEN GIZAKIA

DINOSAURIOEN GARAIA

GURE BERBATEGIE

Aurten gure berbategie martxan jarri dogu berriro eta hainbat ikaslek hartu deure parte. Oso esaldi politak heldu zaizkigu eta hemen doatzuez disfrutatu deizuen!! Animo eta jarraitu erabiltzen gure Arratiko berbak!

Gaur egun beti galapan gabiltza leku batetik bestera

Nire osabeak muskinek txerriei kalabazeagaz emoten deutsie.

Eskolatik etxera galapan joaten naz.

Zelango kakapirrie zaren!

Egundo be ez naz esarriko hor!

Euria hasi zan eta galapan etorri nintzen.

Nire kamiseteari joskurea soltatu zaio.

Egundo enaiz Parisen egon baina nonoz joango naz.

Urli ez da egundo Gorbeiako gurutzera joan.

Prakak joskuretik apurtu jataz.

Ez zaite hain kakapirrie izin!

Itzelezko durundue entzun dogu Lemoako harrobian.

Egundo ez zaitut hain pozik ikusi.

Sagar muskine zakarrontzire bota eizu.

Nonoz lokartuko ete zara!

Ume honek zelango parau ezine dekon.

Durundu halangoa entzun da Mugarra aldetik.

Parau ezinik dabil umea traktore barrien.

Goizero goizero galapan etorten gara eskolara!

Egundo ez neban pentsauko zuk holan jokatuko zendunik!

Galapan egin behar izan dot autobusa ez galtzeako.

Etxea jausi zanean durundue kilometro batera entzun zan.

Ez dot entzun egundo aurtengo jaietan bolanderak egin duten durundue.

Sagar muskile txarrieri bota jan deien.

HAREK EZ EBAN SARRITAN

ITXI SAGARRAN MUSKINIK

BETI ARTEGA URDURI

TA IA PARAU EZINIK

HARA ETA HONA PRISAZ

GALAPAN DABIL ORAINDIK

INON EZ DAUKA ETXERIK

INON EZ DAUKA KABIRIK

NONOZ IKUSIKO AL DAU

EGUZKIAREN ARGIRIK

FRAKETAKO JOSKURAK BE

EZ DAUTSIE EITEN MINIK

MUNDUAN IZINGO ETE DA

INON DURUNDU BARDINIK

EGUNDO EZ DOT IKUSI

HOLANGO KAKAPIRRIRIK!!

(Doinua:Hababera)

GAZTAINA EGUNA

Urriaren 18an, pasa den ostiralean, urtero urtero  bezala GAZTAIN EGUNA ospatu genuen.

INDUSIN GAZTAIN EGUNA OSPATZEN

Aurten gaztainak biltzera joan ordez, Bargondiatik, Abaro eta Baltzola kobetatik zehar, Jentilzubi azpitik Indusira egin genuen ibilbidetxoa. Tarteka marteka seigarren mailakoek toki ezberdinetan azalpenak ematen zizkiguten bai gaztainen inguruan, bai linoaren inguruan edota ikusten genituen paraje  zoragarrien inguruan. Indusira heldu bezain pronto bazkaldu genuen, danbolinean erretako gaztainak jan , txistu eta danbolin soinuekin dantza egin eta ondoren pixkanaka-pixkanaka eskolarantz bueltatu ginen.
Egun ederra egin zigun eta eguraldia lagun, primeran pasatu genuen.

HABITAT EGUNA

Pasa den urriaren 4an, HABITAT EGUNA kontuan izan genuen eskolan. Hainbat ekintza egin ziren, horien artean Jentiltxuren mezua irakurri goizeko irratsaioan,
 ormairudiak mailaka egin,
 ikasturte honetarako kurtso bakoitzak izango dituen konpromezuak sinatu,
FRUTA ezberdinak dastatuz hamaiketako ederra egin eta....
arratsaldean "XIRINGA" jaia
Zein ederto pasatu ziren gure umeak!!!
Hori bai, haien gustuko saltsa!!!

2013 -2014 IKASTURTE BERRIA MARTXAN

HONA HEMEN GURE ESKOLAKO ZUZENDARIAK, AINHOA BARAIAETXABURUK, BEGITU ALDIZKARIRAKO IDATZITAKO ARTIKULUA IKASTURTE HASIERA DELA ETA. Hasiera guztiek lez, ikasturte barri batek beldur ugari pilatzen deuskuz motxila barrian, ohikoa da, neurri baten, etor daitekeen edo ezagutzen ez dogun gauza beten aurrean horrelako sentimenduak pilatzea. Izan be ikasturte barriak, urteroko eginkizunez aparte, askotariko zalantza, buruhauste eta lana pilatzen dau. Eskola komunitatearen barnean egozten diren arazo, funtzionamendu, ikasleen garapen, harreman, proiektu, jarrera… zein balioen lanketari dagozkienak esaterako. Dudarik ez, ardatz nagusia, umeen ongizate eta garapen integralaren norabidean kokatzen dogu eta bide hau auzolan konpartitua da, familia eta herriko beste eragileekaz be. Nire ikuspuntutik, ikastetxeak daukan zeregin garrantzitsuena, alde guztien arteko lan komun hori harmonizatzea, era baikor eta ilusio handiagaz alkarlana egituratu, osatu eta bideratzean datza. Beti be guztion arteko hausnarketa eta iritziak kontuan hartu eta erabakiak partekatuta. Beraz, gure funtzio eta zereginetan harremanak egoki bideratzearen ildo berean parte hartzea ezinbestekoa da, bai ume,guraso eta eragileen parte hartzea. Ikasleak ez ezik guztiok aberasten gaituelako. Gehiago oraindik, aniztasunaz baliatu behar dogu, ezberdinen planeta honetan bardinen arteko harreman eta eskubideen kultura garatzeko, nor norbera izanik egungo gizartean akordioetara heldu eta erantzunkizunez jokatu eta erabakiak hartu ahal izateko. Zelan ez, emozio, sentimenduen errekatxoak askatzeko laguntza beharra dogu, eta gu horixe gara, laguntzaile! Laguntzaile bizitzaren aldera pausoz pauso abiarazteko. Ikasleak maitatu, tresna, trebetasun eta autonomiaz dohainduz. Bide beretik, eskolako leihotik ingurunera begira nagoenez, derrigorrez aipatu behar, berdinen arteko laguntzak ahalbideratzean kokatzen direla gure pedagogiaren estrategia eta praktikak; bakoitzaren abiapuntutik aktiboki esperientziak eta bizitzarako balioak, gaitasunak uztartu eta eraikiz. Amaitu aurretik, eskertzea besterik ez dot, pertsona asko dira eta hau guztia posible egiten laguntzen daurienak, irakasle, ikasle, langile,guraso, herritar, udal eta erakundeetako ordezkariak…guztiei nire eskerrak hainbeste gauza erakutsi eta apoiatzearren. Eskerrik asko ulertu, erakutsitako afektu, pazientzia eta une latzetan energia ziztatzeagatik; Eskerrik asko bide konplexu eta inoiz noraezean be zeregin honetan lagundu eta bidea konpartitzeagatik. Bildurrei aipamena eginez hasi naz, barruraino sartzen direlako eta gero gauaren erdian ateratzen direlako amets gaizto batean, ba heldu jaku amets egiteko tenorea, sortu daiguzan umeentzat guneak, manipulazio eta esperientzia guneak, kontura gaitezan umeen behar eta nahietaz… Beraz, emon dagiogun bide ametsari eta ongi etorri ikasturte barrira!